Binod Bohara
फागुन २१ गते प्रतिनिधिसभा निर्वाचन नै देश स्थिरताको एकमात्र मार्ग : प्रधानमन्त्री कार्की
फागुन २१ को प्रतिनिधिसभा निर्वाचन
सरकार गठनको १०० दिन पूरा: प्रधानमन्त्रीको विशेष सन्देश
काठमाडौं । प्रधानमन्त्री सुशीला कार्कीले भदौ २३ र २४ गते भएका दुखद घटनापछि देश पुनः शान्तिको
बाटोमा फर्किएको बताएकी छन्।
शनिबार सरकार गठनको १०० दिन पूरा भएको अवसरमा एक एक भिडियो सन्देश जारी गर्दै उनले ती
घटनामा ज्यान गुमाउने योद्धाहरूलाई सहिद घोषणा गरिएको र घाइतेहरूको उपचार र जीविकोपार्जन
सुनिश्चित गर्ने प्रक्रिया अघि बढाइएको बताइन् ।
शान्तिको पुनरागमन र योद्धाको सम्मान
उनले भनिन्, ‘भदौ २३ र २४ गते दुखद घटनापछि देश फेरी शान्तीको बाटोमा फर्किएको छ । ती घटनामा
ज्यान गुमाउने योद्धाहरुलाई सहिद घोषणा गरेका छौ । घाइते योद्धाको उपचारका साथै जिवितका जिविका
सुनिश्चत गर्ने प्रकृया अघि बढाएका छौ ।’
भौतिक पूर्वाधार पुनर्निर्माण कोषमार्फत कामको थालनी
प्रधानमन्त्री कार्कीका अनुसार आन्दोलन क्षतिग्रस्त संरचनाको पुनर्निर्माणका लागि भौतिक पूर्वाधार पुनर्निर्माण
कोषमार्फत काम सुरु भइसकेको छ । उनले अब विगतका पीडादायी क्षणहरू बिर्सिएर सुन्दर र स्थिर भविष्य
निर्माणतर्फ सबै नेपालीले हातेमालो गर्नुपर्नेमा जोड दिइन्।
ठेक्का तोडिएका सडक–पुल योजना छिटो अघि बढाउन मन्त्री घिसिङको निर्देशन
सुन्दर र स्थिर भविष्यका लागि राष्ट्रिय एकताको आह्वान
‘क्षतिग्रस्थ संरचना पूर्ननिर्माणका लागि भौतिक पुर्वाधार पुर्ननिर्माण कोष मार्फत काम थालिएको छ । अव हामीले
नमिठा पलहरु बिर्सिएर एउटा सुन्दर र स्थिर भविश्य निर्माण तर्फ हातमा हात मिलाएर अघि बढ्नुपर्छ,’ उनले भनिन् ।
देश चुनावतर्फ अघि बढेको विषयमा देखिएको जिज्ञासा र भ्रमबारे स्पष्ट पार्दै प्रधानमन्त्री कार्कीले थप भनिन्,
‘अहिले कतिपयको मनमा एउटा जिज्ञासा र केही ठाउँमा भ्रम पनि छ, प्रश्न गर्नेहरुले भन्ने गर्नुभएको छ के देश
साच्चै चुनावतिर बढेको हो ? तर के सरकारले शान्ति सुरक्षाको ग्यारेन्टी दिन सक्छ ।
फागुन २१ को निर्वाचन: नयाँ युगको प्रस्थानविन्दु
आज म यही मन्चबाट देश र दुनियालाई प्रष्ट पार्न चाहान्छु २०८२ फागुन २१ गते हुने प्रतिनिधि सभाको निर्वाचन केवल
एउटा कार्यतालिकामात्र रहेन यो हाम्रो देशलाई स्थिरता दिने र नयाँ युगको सुरुवात गर्ने एक मात्र निर्विकल्प मार्ग हो।
