लागू औषधसहित एक व्यक्ति नियन्त्रणमा, इन्स्पेक्टर राजु के.सी.को नेतृत्वमा ठूलो सफलता

कमलामाई–९ भिमानमा लागू औषध नियन्त्रण अभियान

सिन्धुली । कमलामाई नगरपालिका–९ भिमान चेकपोष्टस्थित वि.पी. राजमार्गमा लागू औषध नियन्त्रण अभियान अन्तर्गत प्रहरीले ठूलो मात्रामा खैरो हिरोइन जस्तो देखिने पदार्थसहित एक व्यक्तिलाई नियन्त्रणमा लिएको छ।

विशेष सूचनाको आधारमा संयुक्त टोलीको कार्य

मंगलबार दिउँसो ३ः३० बजे विशेष सूचनाको आधारमा इलाका प्रहरी कार्यालय भिमान र लागू औषध नियन्त्रण ब्युरो शाखा कार्यालय बर्दिबासको संयुक्त टोलीले चेकजाँचका क्रममा उक्त सफलता हासिल गरेको हो।

टोलीको नेतृत्व

चेकिङ टोलीको नेतृत्व

• इलाका प्रहरी कार्यालय भिमानका प्रमुख प्रहरी निरीक्षक (इन्स्पेक्टर) राजु के.सी. खत्री

• लागू औषध नियन्त्रण ब्युरो बर्दिबासका प्र.ना.नि. सरोज कुमार अधिकारी

ले गरेका थिए।

पक्राउ परेका व्यक्ति र खैरो हिरोइन

काठमाडौंबाट राजविराजतर्फ जाँदै गरेको बा ५ ख १९६७ नम्बरको हायस गाडी अन्तिम सिटमा सवार
मोरङ विराटनगर महानगरपालिका–५ बस्ने ३४ वर्षीय महम्मद समसिर
लाई शंकाको आधारमा खानतलासी गरिएको थियो।

खानतलासीमा निजको निलो जिन्स पाइन्टको गोजीभित्र दुई वटा प्लास्टिक प्याकमा लुकाइएको खैरो हिरोइन जस्तो पदार्थ फेला परेको थियो।

तौल र मात्रा

मान्यता प्राप्त तराजुमा तौल गर्दा

• प्लास्टिकसहित: २०१.६९० ग्राम

• प्लास्टिकबाहेक शुद्ध तौल: १९५.५९० ग्राम

अनुसन्धान र प्रहरीको प्रतिबद्धता

निजलाई तत्काल नियन्त्रणमा लिइ थप अनुसन्धान कार्य भइरहेको जिल्ला प्रहरीले जनाएको छ।

इन्स्पेक्टर राजु के.सी. खत्री यसअघि पनि लागू औषध नियन्त्रणमा सक्रिय रहँदा धेरै अभियुक्तलाई पक्राउ गरिसकेको र प्रहरीको यो सफलता स्थानीयवासीले प्रशंसनीय ठानेका छन्।

प्रहरीले लागू औषधविरुद्ध अभियान अझ प्रभावकारी बनाउँदै सभी गैरकानुनी क्रियाकलापमा संलग्न व्यक्तिलाई कानुनी दायरामा ल्याउने प्रतिबद्धता दोहोर्याएको छ।