एकताबद्ध भएर राष्ट्रको स्वाधिनता रक्षा

काठमाडौं । नेपाली कम्युनिष्ट पार्टीका संयोजक पुष्पकमल दाहाल (प्रचण्ड)ले एकताबद्ध भएर संकल्पका साथ अगाडि बढे राष्ट्रको स्वाधिनता, जनताको आत्मसम्मान, जनताको आत्म निर्णयको अधिकार नेपाल र नेपालीको पहिचानको रक्षा गर्न सकिने बताएका छन्।

पार्टी समायोजन कार्यक्रममा २० दलसँग एकता

बुधबार काठमाडौंमा आयोजित पार्टी समायोजन कार्यक्रममा उनले एकताबद्ध भएर अगाडि बढ्न सकेनौं भने फेरि दुर्घटनामा पर्न सक्ने भन्दै त्यो घटना नदोहोराउनको लागि अहिलेसम्म २० वटा राजनीतिक दल र समूहहरुसँग एकता भएको बताए।

राष्ट्र र जनताको एकताको महत्व

उनले भने, ‘हामी इतिहासको एकदमै महत्वपूर्ण मोडमा छौं। हामी एकताबद्ध भएर संकल्पका साथ अगाडि जाँदा यो राष्ट्रको स्वाधिनता, जनताको आत्मसम्मान, जनताको आत्म निर्णयको अधिकार नेपाल र नेपालीको पहिचानको रक्षा गर्न सकिन्छ। हामी एकताबद्ध भएर अगाडि बढ्न सकेनौं भने दुर्घटना हुन सक्छ जुन हामीले एकचोटी भोगी पनि सक्यौं। फेरि दोहोरिन पनि सक्छ, त्यो हुन नदिनको लागि हामीले पहिला अन्य पार्टीहरुसँग सहकार्य, संवाद गर्दै अहिलेसम्म २० वटा राजनीतिक दल र समूहहरुको एकता भएर नेपाली कम्युनिष्ट पार्टी बनेको छ।’

कम्युनिष्ट र वामपन्थी मात्र नभई सबै जनताको एकता

यस्तै, उनले यो एकता कम्युनिष्ट, वामपन्थी, समाजवादीको मात्रै होइन मधेश, पहाड र हिमाली जनताको एकता भएको उल्लेख गर्दै सबैको एकताको बलमा यो राष्ट्रलाई स्वाधिन र सुदृढ गर्ने यात्रा सुरु गर्ने संकल्प गरेको बताए।

आर्थिक समृद्धि र उत्पादन कार्यमा जोड

उनले भने, ‘यो कम्युनिष्ट र वामपन्थी, समाजवादीको मात्रै एकताको कुरा होइन। यो नेपाल राष्ट्रको एकताको कुरा हो, नेपाली जनताको एकताको कुरा हो, मधेश, पहाड र हिमाली जनताको एकताको कुरा हो। सबैको एकताको बलमा यो राष्ट्रलाई स्वाधिन र सुदृढ गर्ने र यहाँका जनताका आर्थिक जीवनमा एउटा नयाँ समृद्धिको यात्रा सुरु गर्ने संकल्प पनि हो यो।’

जनताको सहभागिता र मेहनतको आवश्यकता

आउने दिनमा जनताले देख्ने, बुझ्ने गरि, जनतासँगै मिलेर उत्पादन कार्यमा अगाडि बढ्ने भन्दै यसको लागि सबैले आफ्नो ठाँउबाट मेहेनत गर्नुपर्ने पनि उनको भनाई छ।