९ महिनामा पेट्रोलियम आयातबाट ६० अर्बभन्दा बढी राजस्व

पेट्रोलियम पदार्थ आयातबाट 9 महिनामा उठ्यो ६० अर्ब ३८ करोड राजस्व।चालु आर्थिक वर्षको प्रथम नौ महिनामा, पेट्रोलियम पदार्थ आयातबाट रु ६० अर्ब ३८ करोड राजस्व सङ्कलन भएको छ । गत आवको सोही अवधिमा रु ५७ अर्ब ५३ करोड राजस्व प्राप्त भएको थियो ।

वीरगञ्ज नाकाबाट खर्बौँको आयात, राज्यकोषमा ठूलो योगदान

वीरगञ्ज भन्सार कार्यालयका सूचना अधिकारी,उदयसिंह विष्टका अनुसार, वीरगञ्ज नाकाबाट उक्त अवधिमा रु एक खर्ब ४८ अर्ब १६ करोड बराबरका,पाँच किसिमका पेट्रोलियम पदार्थ आयात गरेर उक्त रकम राज्यकोषमा दाखिला भएको हो ।

डिजेल, पेट्रोल र ग्यास आयातको विस्तृत विवरण

उक्त अवधिमा आठ लाख आठ हजार सात सय ४५ किलोलिटर डिजेल, तीन लाख ५९ हजार आठ सय ४६ किलोलिटर पेट्रोल र २२ करोड ४८ लाख ७५ हजार दुई सय ६६ किलोग्राम एपपी ग्यास आयात भएको छ ।